"ПСЖ" бош мураббийи Луис Энрике 2025/2026 йилги мавсумда Франция чемпионатидаги чемпионлик пойгаси ҳақида гапирди. 23 та ўйиндан сўнг парижликлар 54 очко билан турнир жадвалида пешқадамлик қилмоқда. Улар иккинчи ўриндаги "Ланс"дан бир очко олдинда ва заҳирасида битта ўйини бор.
"Ланс" ажойиб ҳолатда ва лигада бундай даражадаги жамоа билан рақобатлашиш бизга қўшимча мотивация беради. Улардан олдинда маррага етиб келиш қийин бўлади, чунки улар бизга жуда яқин масофада туришибди", — дея испаниялик мутахассиснинг сўзларини келтиради "ПСЖ" клуб матбуот хизмати.
Энрике шогирдлари навбатдаги учрашувни 28 февраль куни сафарда "Гавр"га қарши ўтказишади.
