«Ньюкасл» вингери Энтони Гордон ёзги трансфер ойнасида «Арсенал» аъзосига айланиши мумкин.

«Қарғалар» юлдузи анчадан бери Премьер-лига грандлари эътиборида бўлиб келаётган эди, бироқ ҳозирда англиялик футболчи учун курашда айнан «канонирлар» пешқадамлик қилмоқда. Бу ҳақда журналист Чарли Уайетт хабар бермоқда. Қайд этилишича, Микель Артета футболчининг ўйинига қойил қолади ва Гордон унинг жамоаси сафига қўшилишдан мамнун бўлишига ишонмоқда. «Арсенал» 25 ёшли футболчи учун тахминан 80 миллион евро таклиф қилишга тайёр.

Энтони Гордонга даъвогарлар қаторида илгари «Ливерпуль» ва «Манчестер Юнайтед» клублари ҳам тилга олинган эди. «Transfermarkt» экспертлари «Ньюкасл» ҳужум чизиғи етакчисини 60 миллион еврога баҳоламоқда.