Ёзги трансфер ойнасида «Ноттингем Форест» ярим ҳимоячиси Эллиот Андерсон учун жиддий кураш бошланади. Бу ҳақда The Mirror журналистлари хабар бермоқда.
Манбанинг сўзларига кўра, Англия терма жамоасининг 23 ёшли футболчисига иккита топ-клуб — «Манчестер Сити» ва «Манчестер Юнайтед» даъвогарлик қилмоқда. Эҳтимолий трансфер суммаси тахминан 90 миллион еврони ташкил қилиши мумкин.
Жорий Англия Премьер-лигаси мавсумида Андерсон «Ноттингем Форест» сафида 27 та ўйинда майдонга тушди. Ярим ҳимоячи ўз ҳисобига битта гол ва иккита голли узатмани ёздириб қўйди, шунингдек, тўртта сариқ карточка олди.
Ҳозирда «Ноттингем Форест» АПЛда жон сақлаб қолиш учун курашмоқда ва турнир жадвалида 17-ўринни эгаллаб турибди.
