Миланнинг "Интер" клуби Италия чемпионатида ўз рақибларига имконият қолдирмаяпти ва ҳар бир ғалаба билан очколар орасидаги фарқни катталаштиришда давом этмоқда. Бу гал "Дженоа" жамоаси мағлуб этилди — 2:0. Федерико Димарко ушбу ўйинда шахсан гол ура олмаган бўлса-да, жамоанинг муваффақиятига катта ҳисса қўшди.
"Мағлубиятдан кейин ҳар доим ғалабага эришиш осон бўлмайди, лекин бизнинг жамоамиз бунга қодирлигини бир неча йиллардан бери исботлаб келмоқда. Ўзимиз севган ишни қилишда давом этамиз, мақсадга эса тобора оз қолмоқда", — дея Димарконинг сўзларини келтиради fcinter1908.it.
Италия чемпионатининг навбатдаги турида "Интер" "Милан"га қарши майдонга тушади. Ушбу муҳим баҳс 8 март, келаси якшанба куни бўлиб ўтади.
