«Манчестер Сити» бош мураббийи Пеп Гвардиола АПЛ 28-туридан ўрин олган баҳсда «Лидс» мухлислари томонидан янграган ҳуштакбозликка ўз муносабатини билдирди.
Ўйиннинг биринчи бўлими давомида бош ҳакам Питер Бэнкс Рамазон ойида рўза тутаётган футболчилар ифторлик қилиб олишлари учун ўйинни тўхтатган эди.
«Замонавий дунё шунақа, тўғрими? Ҳозир, айни дамда дунёда нималар бўлаётганига бир қаранг. Динларни ҳурмат қилинг, хилма-хилликни ҳурмат қилинг – асосий мақсад мана шунда! Бу қоида.
Тўхталиш — бизнинг қароримиз эмас, Премьер-лига: «Яхши, овқатланиш учун бир-икки дақиқа ажратиш мумкин, футболчилар – буни амалга оширинг», деб айтган. Райан Шерки ва Раян Аит-Нури кун бўйи ҳеч нарса ейишмаган эди, шу сабабли биринчи бўлимда бироз витаминлар қабул қилиб олишди», — деди Гвардиола.
