Италия чемпионатининг навбатдаги 27-тури марказий учрашувида «Рома» ва «Ювентус» бир-бирларининг дарвозаларига учтадан тўп киритишди. Ўйин воқеалари ҳақида голлардан бирининг муаллифи Эван Ндика ўз фикрларини билдирди. Бироқ футболчи якуний натижадан бироз хафа, чунки «Ювентус» ҳакам томонидан қўшиб берилган вақтда мағлубиятдан қутулиб қолди.
«Биз 3:1 ҳисобида олдинда бораётган эдик, лекин ғалаба қозона олмадик — табиийки, бу борада муайян умидсизлик бор. Аммо биз яхши ўйин кўрсатдик. Натижа эса қилган меҳнатимизни йўққа чиқара олмайди. Бундан ташқари, биз тўртинчи ўринда қолмоқдамиз», — дея футболчининг сўзларидан иқтибос келтиради «Forzaroma.info» нашри.
«Рома» ҳақиқатан ҳам тур якунларига кўра А Серия турнир жадвалидаги тўртинчи поғонасини сақлаб қолди.
