Italiya chempionatining navbatdagi 27-turi markaziy uchrashuvida «Roma» va «Yuventus» bir-birlarining darvozalariga uchtadan to‘p kiritishdi. O‘yin voqealari haqida gollardan birining muallifi Evan Ndika o‘z fikrlarini bildirdi. Biroq futbolchi yakuniy natijadan biroz xafa, chunki «Yuventus» hakam tomonidan qo‘shib berilgan vaqtda mag‘lubiyatdan qutulib qoldi.
«Biz 3:1 hisobida oldinda borayotgan edik, lekin g‘alaba qozona olmadik — tabiiyki, bu borada muayyan umidsizlik bor. Ammo biz yaxshi o‘yin ko‘rsatdik. Natija esa qilgan mehnatimizni yo‘qqa chiqara olmaydi. Bundan tashqari, biz to‘rtinchi o‘rinda qolmoqdamiz», — deya futbolchining so‘zlaridan iqtibos keltiradi «Forzaroma.info» nashri.
«Roma» haqiqatan ham tur yakunlariga ko‘ra A Seriya turnir jadvalidagi to‘rtinchi pog‘onasini saqlab qoldi.
