"Интер" жамоаси 27-турдан сўнг А Серияда пешқадамликни сақлаб қолмоқда. Кристиан Киву шогирдлари "Женоа" устидан ғалаба қозониб (2:0), ўз очколарини 67 тага етказиб олишди.
Улардан кейинги ўринда "Кремонезе"ни мағлуб этган (2:0) "Милан" бормоқда — "россонерилар" пешқадамдан 10 очко орқада. Кучли учликни эса "Верона"дан устун келган (2:1) "Наполи" якунлаб бермоқда, улар ҳисобида 53 очко мавжуд.
"Рома" жамоаси "Ювентус" билан қайд этилган 3:3 ҳисобидаги дуранг матн дан сўнг 51 очко билан тўртинчи ўринда бормоқда. "Лечче"ни мағлуб этган (3:1) "Комо" эса 48 очко билан бешинчи поғонани эгаллаб турибди.
"Ювентус" 47 очко билан олтинчи ўринда жойлашган. "Сассуоло"га имкониятни бой берган (1:2) "Аталанта" эса еттинчи ўриндан жой олди — 45 очко.
А Серия Турнир Жадвали (27-турдан сўнг)
| Ўрин | Жамоа | Ўйин | Ғалаба | Дуранг | Мағлубият | Тўплар нисбати | Очко |
| 1 | Интер | 27 | 22 | 1 | 4 | 64-21 | 67 |
| 2 | Милан | 27 | 16 | 9 | 2 | 43-20 | 57 |
| 3 | Наполи | 27 | 16 | 5 | 6 | 41-28 | 53 |
| 4 | Рома | 27 | 16 | 3 | 8 | 37-19 | 51 |
| 5 | Комо | 27 | 13 | 9 | 5 | 44-20 | 48 |
| 6 | Ювентус | 27 | 13 | 8 | 6 | 46-28 | 47 |
| 7 | Аталанта | 27 | 12 | 9 | 6 | 37-24 | 45 |
| 8 | Сассуоло | 27 | 11 | 5 | 11 | 34-36 | 38 |
| 9 | Болонья | 26* | 10 | 6 | 10 | 35-32 | 36 |
| 10 | Лацио | 27 | 8 | 10 | 9 | 26-27 | 34 |
