Туриннинг "Ювентус" клуби Италия чемпионатининг 27-туридаги марказий ўйинда мағлубиятдан қийинчилик билан қутулиб қолди — "Рома"га икки тўп фарқи билан ютқаза туриб, туринликлар якунда ҳисобни тенглаштиришга муваффақ бўлишди. Шунга қарамай, "Ювентус" бош мураббийи Лучано Спаллетти жамоа ўйинидан унчалик мамнун эмас.
"Охирги пайтларда бошимиздан кўп нохушликлар ўтди, жумладан, очиқчасига омадсизликка ҳам дуч келдик. Аммо жамоа ўсмоқда ва ишончим комилки, биз чемпионат финалини аъло даражада ўтказамиз. Кучли тўртликка қайтишимизга ишонаман. Бугун биз бироз кўп гол ўтказиб юбордик, уларнинг иккитасидан қочиш мумкин эди. Лекин ҳисоб 1:3 бўлиб турган пайтда ҳам футболчиларимнинг ўйнаш иштиёқи сўнмаганидан хурсандман", — дея Спаллеттининг сўзларини forzaroma.info нашри келтирмоқда.
Эслатиб ўтамиз, "Ювентус" сўнгги бор 2020 йилда чемпионликни қўлга киритган эди.
