Turinning "Yuventus" klubi Italiya chempionatining 27-turidagi markaziy o‘yinda mag‘lubiyatdan qiyinchilik bilan qutulib qoldi — "Roma"ga ikki to‘p farqi bilan yutqaza turib, turinliklar yakunda hisobni tenglashtirishga muvaffaq bo‘lishdi. Shunga qaramay, "Yuventus" bosh murabbiyi Luchano Spalletti jamoa o‘yinidan unchalik mamnun emas.

"Oxirgi paytlarda boshimizdan ko‘p noxushliklar o‘tdi, jumladan, ochiqchasiga omadsizlikka ham duch keldik. Ammo jamoa o‘smoqda va ishonchim komilki, biz chempionat finalini a’lo darajada o‘tkazamiz. Kuchli to‘rtlikka qaytishimizga ishonaman. Bugun biz biroz ko‘p gol o‘tkazib yubordik, ularning ikkitasidan qochish mumkin edi. Lekin hisob 1:3 bo‘lib turgan paytda ham futbolchilarimning o‘ynash ishtiyoqi so‘nmaganidan xursandman", — deya Spallettining so‘zlarini forzaroma.info nashri keltirmoqda.

Eslatib o‘tamiz, "Yuventus" so‘nggi bor 2020 yilda chempionlikni qo‘lga kiritgan edi.