"Интер Майами" футболчиси Лионель Месси "Барселона"нинг бўлажак президентлик сайловлари мавзусида фикр билдириш ниятида эмас.
Номзодлар ўзларининг сайловолди нутқларида 38 ёшли аргентиналик юлдузнинг номидан фаол фойдаланишмоқда, бироқ футболчининг ўзи бу ҳақда гапиришни истамаяпти. Diario Sport нашрининг маълумотларига кўра, Месси ушбу мавзудаги ҳар қандай оммавий саволларни эътиборсиз қолдиришга қарор қилган.
Каталония клуби раҳбари учун сайловлар 15 март куни бўлиб ўтади. Асосий номзодлардан бири — Виктор Фонт бир неча бор шуни таъкидладики, агар Жоан Лапорта президентлик лавозимини сақлаб қолса, "Барселона"нинг Лионель Месси билан раҳбарият даражасидаги муносабатлари қайта тикланмайди.
Эслатиб ўтамиз, афсонавий ҳужумчи 2021 йилда "кўк-анорранглилар" сафини тарк этган эди.













