«Манчестер Юнайтед» етакчиси Бруну Фернандеш Англия Премьер-лигасининг 28-тури доирасида «Кристал Пэлас» устидан қозонилган ғалабадан (2:1) кейин ўз ҳиссиётлари билан ўртоқлашди.
«Жуда муҳим уч очко. «МЮ» учрашув давомида ҳисобда орқада бораётган эди, бироқ ўз характерини кўрсата олди. Мақсадимиз ғалаба қозониш эди ва биз бунга эришдик. Олдинда ҳали ўйинлар кўп, биз очко йиғишда давом этишимиз керак», — дея португалиялик ярим ҳимоячининг сўзларини Sky Sports нашри келтирмоқда.
Англия чемпионатининг 28-туридан сўнг «Манчестер Юнайтед» 51 очко жамғарган ҳолда турнир жадвалида тўртинчи ўринни эгаллаб турибди. Майкл Кэррик шогирдлари пешқадам «Арсенал»дан 13 очкога ортда қолмоқда.
