«Челси» Премьер-лигадаги ғалабасиз сериясини учта ўйинга етказди.

Мураббий Лиэм Росеньор шогирдлари АПЛнинг 28-тури доирасида сафарда «Арсенал»га имкониятни бой беришди (1:2). Бунгача «кўклар» Англия чемпионатида «Лидс» (2:2) ва «Бёрнли» (1:1) жамоалари билан дуранг ўйнашган эди. 4 март куни лондонликларни «Астон Вилла»га қарши сафар ўйини кутмоқда.

Умумий ҳисобда Росеньор бошқарувида «Челси» 13 та ўйин ўтказиб, 8 та ғалаба, 2 та дуранг ва 3 та мағлубият қайд этди. Эътиборли жиҳати шундаки, ушбу учта мағлубиятнинг барчаси «Арсенал»дан қабул қилиб олинган (биттаси АПЛда ва иккитаси Лига кубоги ярим финалида).