Бир йил муқаддам Лига мазкур форматни Биринчи лига орқали синовдан ўтказганди. Эндиликда клублар билан келишган ҳолда уни U19 чемпионати учун ҳам жорий қилмоқда.
Суперлига ва Пролигада умумий ҳисобда 30 қатнашчи, бироқ 29 клуб мавжуд. Шундан келиб чиқиб, Пролигада иштирок этиш учун потенциал номзод ҳисобланган Гулистон клубининг U19 жамоаси мусобақага ўттизинчи бўлиб қўшилади.
Мусобақанинг илк босқичида ҳар бир жамоа ўзаро уй-сафар тизимида жами 18 тадан беллашувда майдонга тушади. Ҳар бир минтақанинг энг яхши тўрттадан иштирокчиси навбатдаги босқичга йўл олади. Бунда, ўз минтақаси ғолиблари ва энг яхши 2-ўрин эгаси тўғридан-тўғри ¼ финалда иштирок этиш ҳуқуқини қўлга киритади. Қолган жамоалар эса саралаш босқичида иштирок этади.
