"Челси" бош мураббийи Жозе Моуриньо жамоасининг трансфер мақсадлари ҳақида сўзлаб берди. Гарчи "МЮ" ҳужумчиси Уэйн Рунининг исми тилга олинмаган бўлсада, португалиялик мутахассис уни назарда тутиб айрим фикрларини баён этди. Интервьюни Goal.com сайти нашр этган.
"Это`O - Европа футболида чуқур из қолдирган ўйинчилардан бири. Лекин мен аввал Осиёда ҳам айтганимдек, биз шартнома имзолашни хоҳлайдиган фақат битта ўйинчи бор. Кўрамиз, трансфер ойнаси ёпилгунча кўп нарса юз бериши мумкин.
Биз мураббийлар ҳар доим ўз жамоамиздан қониқишимизни айтиб, бирор ҳарид қилишни хоҳламаймиз. Йўқ, бу нотўғри. Биз ҳар доим жамоани кучайтиришни истаймиз, шу мақсадда трансфер ойнасининг сўнгги кунларига қадар ҳам бирор яхши янгиликка умид қиламиз.
Давид Луиз - яхшигина ҳаражат қилинган ўйинчилардан бири. Ўтган йили шартномасини узайтирганидан хурсанд бўлганди. "Барселона"дек улкан клубнинг жаҳондаги энг яхши марказий ҳимоячилардан бирини ҳарид қилиш мақсадини тушунамиз. Лекин Давид ҳеч қачон ҳеч қаерга кетмайди.
Ҳозир мен орттирган тажрибам эвазига ишлашга ҳар қачонгидан кўпроқ тайёрман. Мен Англиянинг ҳар бир стадионида, ҳар бир мухлисга мен ҳам улардан бири эканимни кўрсатишни хоҳлаяпман. Мен бу футбол мамлакатини севаман ва ҳаммага яхши кайфият улашишни истайман", деди Моуриньо.
