«Наполи» бош мураббийи Антонио Конте таркибдаги жароҳатлар туфайли юзага келган муаммолар ҳақида кесатиқ билан фикр билдирди.

Аввалроқ неаполликлар А Сериянинг 27-турида «Верона»ни мағлуб этган эди (2:1).

– Ҳужумда нима етишмади? – Биринчи бўлимда биз бир нечта вазиятлар яратдик. Жарима майдончаси ичига ёриб киришда бир оз эринчоқлик қилдик. Хейлундни топганимизда, ўша вазиятларда ҳужум қилиш керак эди. Шунчаки унутмайлик, бизда ҳужум чизиғи жуда ёш: биз ўзгартиришлар киритяпмиз ва ечимлар қидиряпмиз.

Шунингдек, Нерес «1921 йилдан бери» жароҳатланганини ҳам унутмайлик (кулади), ваҳоланки илгари у ажойиб эди. Биз юзага келаётган вазиятларни енгиб ўтишимизга тўғри келяпти. Вергара яхши ҳаракат қилмоқда.

Алиссон Сантос «Спортинг» сафида бирор марта асосий таркибда майдонга тушмаган эди. Бизга келиб эса, асосий таркибдан жой олмоқда. Шундай экан, биз ўзимизга бир нечта савол беришимиз керак. Ва балки, ҳатто миннатдорчилик сўзларини эшитишимиз лозимдир, – деди Конте.