«Хетафе» ҳимоячиси Кико Фемения Испания чемпионатининг 26-туридан ўрин олган сафардаги баҳсда «Реал» устидан қозонилган ғалаба (1:0) ҳақида тўхталиб ўтди.
«Бу ерга келиш доимо жуда қийин. Биз жамоани табриклашимиз керак: ҳимояда ажойиб ишладик ва имконият пайдо бўлганда гол урдик. Қарши ҳужумларда ҳатто бундан ҳам кўпроқ гол уришимиз мумкин эди», — дея 35 ёшли испаниялик футболчининг сўзларидан иқтибос келтиради PA нашри.
«Хетафе» (26 ўйиндан сўнг 32 очко) «Реал» устидан қозонилган ғалабадан кейин Испания чемпионати турнир жадвалида 14-ўриндан 11-ўринга кўтарилиб олди.
