«Реал» бош мураббийи Альваро Арбелоа Ла Лиганинг 26-туридан ўрин олган «Хетафе»га қарши ўйиндаги (0:1) мағлубиятдан сўнг, жамоа Испания чемпионлиги учун курашдан воз кечмаслигини маълум қилди.

— Чемпионатни бой берилган деб ҳисоблаш мумкинми?

— Йўқ, олдинда ҳали қўлга киритилиши мумкин бўлган 36 очко бор, мақсадимиз — максимал натижа қайд этиш. Бу ерда ҳеч ким таслим бўлмайди, биз йўқотилган имкониятларни қайтара олишимизга ишонамиз. Зеро, бу — «Реал» ва бу ерда ҳеч ким тушкунликка тушмайди, — дея Арбелоанинг сўзларидан иқтибос келтиради «Marca».

Ушбу ўйиндан сўнг Мадриднинг «Реал» клуби 60 очко билан Испания чемпионати олий дивизиони турнир жадвалида иккинчи ўринни эгаллаб турибди. Чемпионатда 64 очко билан «Барселона» пешқадамлик қилмоқда.