«Манчестер Юнайтед»нинг собиқ бош мураббийи Рубен Аморим билан бирга ишлаган мураббий Аделиу Кандиду клубдан кетиши ҳақида фикр билдирди.
«Мен Манчестерни ва футбол билан нафас олувчи клуб мухлисларини чин дилдан яхши кўриб қолдим. Улар яқин орадаги натижаларга эмас, балки лойиҳанинг узоқ муддатли ривожланишига эътибор қаратишади. Бироқ бизнинг ғояларимиз тўлиқ амалга оширилмагани менга ёқмади», — дея Кандидунинг сўзларидан иқтибос келтиради A Bola нашри.
Эслатиб ўтамиз, 13 январь куни Майкл Кэррик жамоанинг янги бош мураббийига айланди. Ҳозирча унинг ушбу лавозимга доимий асосда тасдиқланиши номаълум бўлиб қолмоқда. «Манчестер Юнайтед» айни дамда АПЛ турнир жадвалида учинчи ўринни эгаллаб турибди.
