Мадридда португалиялик ҳужумчи Криштиану Роналдунинг хусусий самолёти кўриниш берди. Бу ҳақда The Sun журналистлари хабар бермоқда.
Манбанинг қайд этишича, Эрон дронларининг Ар-Риёддаги АҚШ элчихонасига уюштирган ҳужуми сабабли самолёт Саудия Арабистонини тарк этиб, Испания пойтахтига етиб келган. Шу билан бирга, Криштианунинг ўзи самолёт бортида бўлган-бўлмаганига аниқлик киритилмаган.
Португалиялик футболчи 2023 йилнинг январидан буён Саудия Арабистони жамоаси шарафини ҳимоя қилиб келмоқда. Жорий мавсумда Роналду "Ан-Наср" таркибида 26 та ўйинда иштирок этиб, 22 та гол урди ва тўртта голли узатмани амалга оширди. 41 ёшли ҳужумчининг меҳнат шартномаси 2027 йилнинг июнь ойи якунига қадар мўлжалланган.
