"Манчестер Сити" 2025 йилда футболчилар, мураббийлар ва ходимларнинг иш ҳақи учун 557 миллион евро сарфлади. Бу ҳақда УЕФА маълумотларига таяниб Transfermarkt хабар бермоқда.
"Сити" барча Европа клублари орасида энг катта маош фондига эга. Иккинчи ва учинчи ўринларни "Барселона" ва "ПСЖ" эгаллади — ҳар икки клуб маошлар учун 551 миллион евродан маблағ ажратган.
Улардан кейинги ўринда 514 миллион евролик кўрсаткич билан Мадриднинг "Реал" клуби жойлашди. Кучли бешликни 509 миллион евро сарфлаган "Ливерпуль" якунлаб берди.
Қолган клубларнинг маошлар фонди 2024 йилга нисбатан умумий ҳисобда ошганига қарамай, улар 500 миллион евродан кам маблағ сарфлашган.














