Ҳужумчи Эстевао нима учун айнан "Челси"га ўтишга қарор қилгани ҳақида сўзлаб берди.
"Оилам бошқа клубларнинг қароргоҳларида ҳам бўлишди, лекин менинг эътиборимни айнан "Челси" тортди. "Челси" лойиҳаси бошқалардан шуниси билан фарқ қилардики, бу жамоа ўйнаш учун кўпроқ имконият беради. Мен "Челси" мен учун идеал вариант бўлади деб ўйладим, чунки у ерда кўпроқ ўйин амалиётига эга бўлишим мумкин эди", — деди Эстевао The Sun нашрига берган интервьюсида.
Эстевао 2025 йилнинг ёзида "Палмейрас"дан 45 миллион евро эвазига "Челси"га кўчиб ўтган эди. Форварднинг Лондон клуби билан шартномаси 2033 йил 30 июнга қадар мўлжалланган. Жорий мавсумда ёш бразилиялик "кўклар" сафида барча турнирларда 32 та ўйинда майдонга тушиб, еттита гол урди ва учта голли узатмани амалга оширди.
