"Реал" бош мураббийи Карло Анчелотти Испания чемпионати старти олдидан ўзининг собиқ шогирди Златан Иброҳимович томонидан айтилган ҳазилни эслаб ўтди.
"Златан бир марта менга шундай деганди: "Европада натижани бир ўзи ҳал қила оладиган учта ўйинчи бор. Улардан бири - мен, қолганлари - Криштиану ва Месси". Мен Роналду ва Иброҳимович билан ишлашга муваффақ бўлдим. Энди Мессининг кучини ўз кўзларим билан кўришим керак. Лекин бу рўйҳатда ҳозир Фалькао ҳам бор. Шундай экан, Иброҳимович назарда тутган футболчилар ҳозир тўртта", дея Анчелоттидан иқтибос келтириб ўтди Marca.
