"Манчестер Юнайтед" ярим ҳимоячиси Каземиро илгари "қизил иблислар"нинг собиқ футболчиси Пол Скоулзнинг ўйини унга манзур бўлгани ҳақида гапириб берди.
"Мен "Манчестер Юнайтед" Фергюсон қўл остида барча чемпионликларни қўлга киритган даврда футболни кўп томоша қилардим. Менга менинг позициямга яқинроқ жойда ўйнаган Пол Скоулз жуда ёқарди. У майдонда бўлган вақтда мен уни диққат билан кузатардим", — дея Каземиронинг сўзларини келтиради DAZN.
Пол Скоулз 1993 йилдан 2013 йилгача "Манчестер Юнайтед" шарафини ҳимоя қилган. Ярим ҳимоячи "қизил иблислар" таркибида 11 карра Англия чемпиони бўлган, шунингдек, беш марта Англия Суперкубоги, уч марта Англия Кубоги, икки марта Лига Кубоги, икки марта Чемпионлар Лигаси, бир мартадан Қитъалараро кубок ва клублар ўртасидаги жаҳон чемпионатида ғолиб чиққан.













