«Реал Мадрид» бош мураббийи Альваро Арбелоа мавсумни совринсиз якунлаш эҳтимоли ҳақидаги саволга истеҳзо билан жавоб қайтарди.

Бундан аввал мадридликлар Испания чемпионатида кетма-кет иккита ўйинда мағлуб бўлишди ва Ла Лига турнир жадвалида «Барселона»дан 4 очкога ортда қолишмоқда. Эртага «Реал» Испания чемпионатининг 27-тури доирасида сафарда «Сельта» меҳмони бўлади.

— Мавсумни совринсиз якунлаш сиз учун муваффақиятсизлик бўладими?

— Яна шу саволми? Ҳаммамиз ўта «оптимистик» кайфиятдамиз. Тўғрисини айтсам, мен ҳозир фақат «Сельта» ҳақида ўйлаяпман ва бошқа ҳеч нарса ҳақида эмас.

— Барқарорликни топиш борасидаги асосий муаммо нимада?

— Бу осон эмас. Менинг гапларим бир хилликдек туюлиши мумкин, лекин бизда ишлаш учун етарли вақт бўлмади — ўйинларимиз сони машғулотларимиздан кўпроқ бўлиб кетди. Ҳозирги лаҳзалардан бошлаб футболчиларнинг жамоага интеграцияси ва мен билан улар ўртасидаги жипслик жараёни бошланади. Албатта, биз барқарорроқ ўйин кўрсатишимиз шарт, — деди Арбелоа матбуот анжуманида.