"Тоттенхэм" бош мураббийи вазифасини бажарувчи Игор Тудор аллақачон эҳтимолий истеъфо ҳақидаги саволларга дуч келмоқда.
Пайшанба куни "шпорлар" Премьер-лиганинг ўз майдонидаги баҳсида "Кристал Пэлас"га имкониятни бой беришди (1:3). Бу хорватиялик мутахассис қўл остида жамоанинг кетма-кет учинчи мағлубияти бўлди.
"Истеъфо хавфи? Мен бу ҳақда ўйлаётганим йўқ. Мен ўз ишимни қилишим керак – тамом", – деди февраль ойида ишдан бўшатилган Томас Франкнинг ўрнини эгаллаган Тудор ўйиндан кейинги интервьюсида.
"Тоттенхэм" Англия чемпионати турнир жадвалида 29 турдан сўнг 29 очко билан 16-ўринни эгаллаб турибди. Лондонликларни Чемпионшипга тушиб кетиш ҳудудидан атиги бир очко ажратиб турибди.
