«Эспаньол» ва «Бёрнли» клублари президенти Алан Пэйс видеотакрорлар (VAR) тизимини кескин танқид қилди. Бу ҳақда AS нашри хабар бермоқда.
«Биз технологияни муаммонинг ечими деб ўйлаймиз, лекин кўпинча бундай эмас. 6 дақиқа кутиш футболни ўлдирмоқда. Агар вазият вақтидаги ҳакамларнинг ўзаро суҳбатлари ёзувини сўрасангиз, уларда мантиқий изчиллик йўқлигини кўрасиз.
Чемпионшипда ҳиссиётлар соф эди — одамлар гол бекор қилинишини кутиб ўтирмасди. Ҳозир мен футболнинг VAR’сиз бўлиши тарафдориман, чунки у 100 фоизлик аниқликни таъминлаб бермаяпти», — деди Пэйс.
Маълумот учун, VAR тизими Испания футболида 2018-19 йилги мавсумдан бери амал қилмоқда. Аввалига у Ла Лига ўйинларида синаб кўрилган, кейинчалик эса бошқа турнирларда ҳам қўлланила бошлаган.
