«Espanyol» va «Byornli» klublari prezidenti Alan Peys videotakrorlar (VAR) tizimini keskin tanqid qildi. Bu haqda AS nashri xabar bermoqda.

«Biz texnologiyani muammoning yechimi deb o‘ylaymiz, lekin ko‘pincha bunday emas. 6 daqiqa kutish futbolni o‘ldirmoqda. Agar vaziyat vaqtidagi hakamlarning o‘zaro suhbatlari yozuvini so‘rasangiz, ularda mantiqiy izchillik yo‘qligini ko‘rasiz.

Chempionshipda hissiyotlar sof edi — odamlar gol bekor qilinishini kutib o‘tirmasdi. Hozir men futbolning VAR’siz bo‘lishi tarafdoriman, chunki u 100 foizlik aniqlikni ta’minlab bermayapti», — dedi Peys.

Ma’lumot uchun, VAR tizimi Ispaniya futbolida 2018-19 yilgi mavsumdan beri amal qilmoqda. Avvaliga u La Liga o‘yinlarida sinab ko‘rilgan, keyinchalik esa boshqa turnirlarda ham qo‘llanila boshlagan.