«Манчестер Сити» бош мураббийи Хосеп Гвардиола ҳимоячи/ярим ҳимоячи Нико О’Райлининг ҳолати ҳақидаги саволга жавоб берди. Эслатиб ўтамиз, футболчи яқинда тўпиғидаги муаммолар туфайли Премьер-лига доирасидаги «Ноттингем Форест»га қарши баҳсни (2:2 ҳисобидаги дуранг) ўтказиб юборган эди.
Гвардиола ҳозирча О’Райлининг «Ньюкасл»га қарши майдонга туша олиши ёки олмаслигини билмайди.
«О’Райлининг ҳолати? У ўзини яхшироқ ҳис қилмоқда. Унинг бугунги ҳолати қандай бўлишини кузатамиз», — деди Гвардиола матбуот анжуманида журналистларга.
Шанба куни, 7 мартда «Манчестер Сити» Англия Кубоги 1/8 финали доирасида сафарда «Ньюкасл»га қарши майдонга тушади. Ўйин Тошкент вақти билан 8 мартга ўтар кечаси соат 01:00 да бошланади.
