Бильбаонинг «Атлетик» клуби бош мураббийи Эрнесто Вальверде Ла Лиганинг бўлажак туридаги рақиби — «Барселона» ҳақида ўз фикрларини билдирди.
Учрашув шанба куни бўлиб ўтади ва Тошкент вақти билан соат 01:00 да (якшанбага ўтар кечаси) бошланиши режалаштирилган.
«Барселона» ҳам худди биз каби яқинда Испания Кубогини тарк этди, бироқ уларда дам олиш учун қўшимча бир кун бор эди. Ҳар бир жамоада бўлгани каби, «Барса»нинг ҳам ўз муаммолари бор: масалан, улар Френки де Йонгни жароҳат сабабли йўқотишди. Аммо бундай ҳолатлар доимий равишда содир бўлмоқда, чунки тақвим жуда тиғиз ва мураккаб», — деди Вальверде матбуот анжуманида.
Каталония гранди 64 очко билан чемпионат жадвалида пешқадамлик қилмоқда, «Атлетик» эса 35 очко билан тўққизинчи ўринда бормоқда.
