Англиянинг «Ньюкасл» клуби ҳужумчиси Энтони Гордон Чемпионлар лигасида кутилаётган голлар (xG) миқдори энг юқори бўлган футболчилар рейтингида пешқадамлик қилмоқда. Ҳисоб-китоблар «Sofascore» статистик портали томонидан амалга оширилди.
Гордоннинг кўрсаткичи 8,39 xG ни ташкил этди. Шу билан бирга, унинг амалда урган голлари сони 10 тага тенг. Кейинги ўринда «Реал Мадрид» аъзоси Килиан Мбаппе бормоқда — унинг кўрсаткичи 8,22 xG ва 13 та гол. Кучли учликни Туркиянинг «Фенербахче» клуби вакили Виктор Осимхен якунлаб берди — 7,21 xG (7 та гол).
Шунингдек, кучли бешликдан Мюнхеннинг «Бавария» клуби ҳужумчиси Ҳарри Кейн — 6,60 xG (8 та гол) ҳамда Англиянинг «Манчестер Сити» жамоаси шарафини ҳимоя қилаётган Эрлинг Холанн — 5,69 xG (7 та гол) жой олди.
