«Барселона» бош мураббийи Ханс-Дитер Флик жамоа ҳимоячиси Жоау Канселу ҳақидаги фикрлари билан ўртоқлашди.

«Жоау Канселуни таклиф қилишга қарор қилганимизда, айнан мана шу жиҳатни — унинг тўпни фантастик тарзда бошқариши, юқори даражадаги маҳорати ва сифатини инобатга олган эдик. Менимча, у асосий таркибда майдонга тушган иккита ўйинда ўзини жуда яхши кўрсатди. Унинг ўзига бўлган ишончи ортгани ва ҳар иккала қанотда ҳам ўйнай олиши кўриниб турибди», — дея Фликнинг сўзларидан иқтибос келтирмоқда Barça Universal.

Қишки трансфер ойнаси вақтида «Барселона» Канселуни Саудиянинг «Ал-Ҳилол» клубидан ижарага олган эди. «Кўк-анорранглилар» таркибида у барча турнирларда еттита учрашувда иштирок этди ва ўз ҳисобига иккита голли узатмани ёздириб қўйди.