Лиссабоннинг «Бенфика» клуби латерали Даниэл Банжаки Англия Премьер-лигасининг топ-клублари ўртасида катта қизиқиш уйғотмоқда. Бу ҳақда Teamtalk журналистлари хабар бермоқда.
Манбанинг маълумотларига кўра, 17 ёшли қанот ҳимоячисини қўлга киритишга Лондоннинг «Арсенал», «Ливерпуль» ва «Манчестер Юнайтед» жамоалари жиддий қизиқиш билдирмоқда.
Банжакининг Португалия гранди билан амалдаги шартномаси келгуси йилнинг ўрталарига қадар мўлжалланган. Футболчининг бозор қиймати ҳозирда бир миллион еврога баҳоланмоқда.
Лиссабон жамоаси таркибида бу истиқболли футболчи учта учрашувда майдонга тушди, бироқ ҳозирча самарали ҳаракатлар билан ажралиб тургани йўқ.
