Lissabonning «Benfika» klubi laterali Daniel Banjaki Angliya Premyer-ligasining top-klublari o‘rtasida katta qiziqish uyg‘otmoqda. Bu haqda Teamtalk jurnalistlari xabar bermoqda.

Manbaning ma’lumotlariga ko‘ra, 17 yoshli qanot himoyachisini qo‘lga kiritishga Londonning «Arsenal», «Liverpul» va «Manchester Yunayted» jamoalari jiddiy qiziqish bildirmoqda.

Banjakining Portugaliya grandi bilan amaldagi shartnomasi kelgusi yilning o‘rtalariga qadar mo‘ljallangan. Futbolchining bozor qiymati hozirda bir million yevroga baholanmoqda.

Lissabon jamoasi tarkibida bu istiqbolli futbolchi uchta uchrashuvda maydonga tushdi, biroq hozircha samarali harakatlar bilan ajralib turgani yo‘q.