Ўзбекистон терма жамоаси ҳимоячиси Абдуқодир Ҳусанов Англия Кубоги 1/8 финал босқичидан ўрин олган “Ньюкасл” — “Манчестер Сити” учрашувида (1:3) асосий таркибда майдонга тушиб, тўлиқ 90 дақиқа ҳаракат қилди.
Учрашув давомида Ҳусанов 74 марта тўп билан муомала қилди. Ҳимоячи жами 62 та узатма амалга оширган бўлиб, уларнинг 57 таси аниқ манзилга етиб борди — 92 фоиз аниқлик. Sofascore портали ўзбекистонлик футболчининг ҳаракатларини 7,8 балл билан баҳолади.
Абдуқодир Ҳусановнинг ҳимоядаги ҳаракатлари:
Ҳимоявий ҳаракатлар: 7 марта
Фаол кураш орқали тўпни олиб қўйиш: 1 марта (муваффақиятли)
Тозалашлар: 4 марта
Блок қўйиш: 1 марта
Ҳужумни бартараф этиш: 4 марта
Ерда курашлар: 5 марта (барчаси муваффақиятли)
Ҳаводаги курашлар: 3 марта (2 таси муваффақиятли)
“Манчестер Сити” сафида дубль қайд этган Омар Мармуш ўйиннинг энг яхши футболчиси деб топилди — 8,8 балл. Шунингдек, ярим ҳимоячи Нико Гонсалеснинг ҳаракатлари — 7,7 балл, учрашувда ҳисобни очган Савиньо эса 7,5 балл билан билан баҳоланган.
Маълумот учун, “Манчестер Сити” Англия Кубоги 1/8 финал босқичида “Ньюкасл”ни 3:1 ҳисобида мағлуб этди. Учрашувдаги голлар Ҳарви Барнс (“Ньюкасл”), Савиньо ҳамда Омар Мармуш (дубль) ҳисобига ёзилди.
