«Реал»нинг айрим футболчилари соғлиғи борасида янги маълумотлар пайдо бўлди. El Mundo нашри хабарига кўра, мадридликлар ҳимоячиси Альваро Каррерас лат еганлиги сабабли Чемпионлар лигаси 1/8 финали доирасидаги «Манчестер Сити»га қарши илк ўйинни ўтказиб юбориши мумкин.
Қайд этилишича, тиш оғриғи туфайли сўнгги бир нечта ўйинни ўтказиб юборган ярим ҳимоячи Эдуардо Камавинга шанба кунги машғулотларни тўлиқ ўтказган.
Килиан Мбаппе якшанба куни клуб ихтиёрига қайтади, бироқ ҳозирча умумий гуруҳда машғулотларда қатнашмайди.
«Реал» чоршанба куни, 11 мартда «Манчестер Сити»ни қабул қилади. Учрашувнинг бошланиш ҳуштаги Тошкент вақти билан соат 01:00 да (пайшанбага ўтар кечаси) чалинади.
