«Оксфорд» клуби академиянинг 15 ёшли тарбияланувчиси Амелия Эплин вафот этганини маълум қилди. Ушбу фожиа «Юнайтед» машғулот базасида «Оксфорд» ва «Фулхэм» жамоалари ўртасидаги ўйин вақтида юз берди.

«Академиямиз ўйинчиси, 15 ёшли Амелия Эплин вафот этганини чуқур қайғу билан маълум қиламиз. «Оксфорд»нинг барча аъзолари номидан Амелиянинг оиласига, дўстларига, жамоадошлари ва мураббийларига ҳамдардлик билдирамиз. Шунингдек, «Оксфорд» ва «Фулхэм» тиббий ходимларига, шу билан бирга, тезкор ёрдам хизматларига миннатдорчилик изҳор этамиз. Клуб Амелиянинг оиласига, ушбу фожиали воқеадан қаттиқ таъсирланган ўйинчилар, мураббийлар ва ходимларга ҳар томонлама ёрдам кўрсатади. Ушбу оғир дамларда оиланинг шахсий ҳаётига ҳурмат билан қарашингизни сўраймиз», — дейилади клуб баёнотида.

«Оксфорд» аёллар жамоасининг 8 март кунига белгиланган «Реал Бедфорд»га қарши ўйини қолдирилди.