"Барселона"нинг польшалик марказий ҳужумчиси Роберт Левандовски "кўк-анорранглилар"нинг бўлажак президентлик сайловлари ҳақида гапирди.
"Барқарорлик ва узоқ муддатли истиқбол "Барселона" учун жуда муҳим. Мен Жоан Лапортага сайловларда муваффақият тилайман. Ишончим комилки, у қолади ва ўз ишини давом эттиради. Лапорта клубни янада катта ғалабаларга олиб боради", - дея ҳужумчининг сўзларидан иқтибос келтирди The Athletic нашри.
Аввалроқ "Барселона" президентлик сайловлари 15 мартга белгилангани ҳақида хабар берилган эди. Испания чемпионатининг 27 та ўйинидан сўнг, Каталония жамоаси 67 очко тўплади ва турнир жадвалида етакчилик қилмоқда. Ханс-Дитер Флик шогирдлари "Реал"дан тўрт очко олдинда.
