"Бавария" бош мураббийи Хосеп Гвардиола Бундеслига 1-турида "Айнтрахт" устидан қозонилган ғалабадан сўнг ўз фикрлари билан ўртоқлашди.
"Ўтган учрашув билан солиштирганда бу сафар ўйиннинг боришини яхшироқ назорат қила олдик. "Гладбах" билан баҳсда рақибга жуда кўп имконият бериб юборгандик, бугун эса бошқача ўйин гувоҳига айландик. Терма жамоалар ўйинларидан кейин клубда ўйнаш ҳар доим қийин. Жамоа уч кун олдин тўпланган эди, бугун эса майдонга тушди. Лекин барибир биз кўплаб вазиятларни ярата олдик. Мен мамнунман, ўйиндан тўлиқ қониқдим", деди Гвардиола.