Испаниянинг "Атлетико" клуби УЕФА Чемпионлар Лигаси 1/8 финалининг илк ўйинида Англиянинг "Тоттенхэм Хотспур" жамоасини 5:2 ҳисобида мағлуб этди ва барча даврлардаги бош еврокубок мусобақасида клуб рекордини ўрнатди.
Opta Sport статистик портали хабарига кўра, "матрасчилар" ўз тарихида илк бор Чемпионлар Лигаси ўйинининг биринчи бўлимида тўртта гол уришга муваффақ бўлдилар. Шу билан бирга, "қизил-оқлар" "Барселона"дан кейин бош еврокубокнинг плей-офф босқичида бундай натижага эришган иккинчи Испания жамоаси бўлди. "Кўк-анорранглилар" буни 2009 йилда икки бор амалга оширишган (1/8 финалда "Лион" билан — 5:2 ва 1/4 финалда "Бавария" билан — 4:0).
Жавоб учрашуви чоршанба куни, 18 мартда бўлиб ўтади. Жамоалар Лондондаги "Тоттенхэм Хотспур" стадионида майдонга тушадилар.
