Ispaniyaning "Atletiko" klubi UYEFA Chempionlar Ligasi 1/8 finalining ilk o‘yinida Angliyaning "Tottenxem Xotspur" jamoasini 5:2 hisobida mag‘lub etdi va barcha davrlardagi bosh yevrokubok musobaqasida klub rekordini o‘rnatdi.

Opta Sport statistik portali xabariga ko‘ra, "matraschilar" o‘z tarixida ilk bor Chempionlar Ligasi o‘yinining birinchi bo‘limida to‘rtta gol urishga muvaffaq bo‘ldilar. Shu bilan birga, "qizil-oqlar" "Barselona"dan keyin bosh yevrokubokning pley-off bosqichida bunday natijaga erishgan ikkinchi Ispaniya jamoasi bo‘ldi. "Ko‘k-anorranglilar" buni 2009 yilda ikki bor amalga oshirishgan (1/8 finalda "Lion" bilan — 5:2 va 1/4 finalda "Bavariya" bilan — 4:0).

Javob uchrashuvi chorshanba kuni, 18 martda bo‘lib o‘tadi. Jamoalar Londondagi "Tottenxem Xotspur" stadionida maydonga tushadilar.