Чехиялик дарвозабон Антонин Кински Чемпионлар лигаси 1/8 финали доирасида Мадриднинг «Атлетико» клубига қарши кечган баҳсдаги омадсиз иштирокидан сўнг Лондоннинг «Тоттенхэм» жамоасини тарк этиши мумкин. Ушбу учрашувда посбон учта гол ўтказиб юборди ва 17-дақиқадаёқ захирага олинди.
The Telegraph нашри маълумотларига кўра, «шпорлар» 22 ёшли футболчини мавсум якунлангач, ижарага бериб юбориш ниятидалар.
Кински Лондон жамоаси сафига ўтган йилнинг январь ойида келиб қўшилган эди. Антонин ва инглиз клуби ўртасидаги амалдаги меҳнат шартномаси 2029 йилнинг июнь ойи охирида якунига етади. Дарвозабоннинг трансфер қиймати 13 миллион еврога баҳоланмоқда.
