Мексиканинг «Америка» клуби дарвозабони Луис Малагон КОНКАКАФ Чемпионлар кубоги 1/8 финали доирасида «Филадельфия Юнион»га қарши кечган баҳсда (1:0) жароҳат олди.
Мексика терма жамоасининг 29 ёшли посбонида ахилл пайчасининг узилиши ташхиси қўйилди. DAZN нашрининг хабар беришича, бу унинг 2026 йилги Жаҳон чемпионатини ўтказиб юборишини англатади.
Малагоннинг жароҳати 40 ёшли Гильермо Очоага Мексика, АҚШ ва Канада мезбонлик қиладиган уй мундиали қайдномасидан жой олиш имкониятини тақдим этмоқда. Ҳозирда Кипрнинг АЕЛ клубида тўп тепаётган Очоа учун ушбу турнир фаолиятидаги олтинчи Жаҳон чемпионати бўлиши мумкин.
Шунингдек, Мексика терма жамоасига «Чивас» дарвозабони Рауль Ранхель ва «Сантос Лагуна»дан Карлос Асеведо чақирилиши кутилмоқда.
