Йозуа Киммих ва Майкл Олисе сариқ карточкалар лимити сабабли қўшимча жазодан қутулиб қолишди.
"Бавария" футболчилари Чемпионлар лигаси 1/8 финали доирасидаги "Аталанта"га қарши кечган илк ўйинда (6:1) вақтни чўзганликлари учун сариқ карточка олишган эди. Улар жавоб учрашувини ўтказиб юборишади.
Sky Sport журналисти Керри Хаунинг хабар беришича, УЕФА интизом қўмитаси пайшанба куни атайлаб олинган бўлиши мумкин бўлган огоҳлантиришлар юзасидан тергов бошламасликка қарор қилган. Киммих ва Олисе фақат бир ўйинга дисквалификация қилинади.













