Гари Макаллистернинг фикрича, Арне Слот ушбу мавсум давомида ишдан бўшатилиши даргумон.

"Чемпионлар лигасига йўлланма олиш Слотга камида яна бир мавсумни кафолатлайди, бу аниқ. "Энфилд"да саросимага тушишаётганини кўрмаяпман, бу уларнинг услуби эмас.

Менимча, катта ўзгаришлар юз берди. Тўғри, ўша порлоқ чемпионлик мавсумида таркибга фақат битта янги ўйинчи қўшилган эди, аммо баъзи нозик ўзгаришлар ҳам бор эди. Клопп давридаги услубдан фарқлар мавжуд. Слот афсонавий шахсдан эстафетани қабул қилиб олиб, ишни қандай уддалагани таҳсинга лойиқ деб ҳисоблайман.

Арне анча вазмин, шуни айтиш керак. У ҳаддан ташқари ҳиссиётларга берилмайди, ўзини босиқ тутади. Ўйлайманки, у ўз кучини яна бир бор синаб кўришни [ва кейинги мавсумда ҳам ишлашни] истайди", – деди "Ливерпуль"нинг собиқ ярим ҳимоячиси.