Германиянинг «Штутгарт» клуби ярим ҳимоячиси Анджело Штиллер Европанинг бир қатор топ-клублари қизиқишлари доирасида турибди, деб хабар бермоқда «Wettfreunde» журналистлари.

Манбага кўра, 24 ёшли германиялик хавбекни Мадриднинг «Реал», «Манчестер Юнайтед», «Ливерпуль» ва Мюнхеннинг «Бавария» клублари ўз сафига қўшиб олишни истамоқда. Шунингдек, Туркия грандлари — «Фенербахче» ва «Бешиктош» томонидан ҳам қизиқиш мавжуд.

Штиллернинг «шваблар» билан тузган меҳнат шартномаси 2028 йилнинг июнь ойи охирида якунига етади. Унинг бозор қиймати 45 миллион еврони ташкил қилади.

Бундеслиганинг жорий мавсумида Анджело 25 та учрашувда майдонга тушиб, ўз ҳисобига битта гол ва бешта голли узатмани ёздириб қўйди.