«Борнмут» ярим ҳимоячиси Тайлер Адамс Англия Премьер-лигаси грандларининг эътиборини тортмоқда. «Caught Offside» нашрининг хабарига кўра, 27 ёшли футболчининг трансферига «Ливерпуль», «Манчестер Юнайтед» ва «Челси» клублари қизиқиш билдирмоқда. Кутилишича, «олчалар» америкалик таянч ярим ҳимоячиси учун 30 миллион фунт стерлинг (тахминан 35 миллион евро) талаб қилади.
«Transfermarkt» портали экспертлари Тайлер Адамснинг қийматини 25 миллион еврога баҳолашмоқда. Унинг «Борнмут» билан амалдаги шартномаси 2028 йилнинг ёзига қадар мўлжалланган. Жорий мавсумда Андони Ираола қўл остида футболчи 19 та ўйинда майдонга тушиб, ўз ҳисобига иккита гол ва битта голли узатмани ёздириб қўйишга улгурди.
