Англия Премьер-лигасида февраль якунларига кўра энг яхши мураббий аниқланди. Ушбу мукофотни "Манчестер Сити"ни бошқараётган Хосеп Гвардиола қўлга киритди.
"Манчестер Сити" ўтган ойда Премьер-лига доирасида бешта ўйин ўтказди ва уларда мумкин бўлган 15 очкодан 13 тасини жамғарди. "Шаҳарликлар" "Тоттенхэм" (2:2), "Ливерпуль" (2:1), "Фулхэм" (3:0), "Ньюкасл" (2:1) ва "Лидс" (1:0) жамоалари билан баҳс олиб боришди.
Эслатиб ўтамиз, февраль якунлари бўйича АПЛнинг энг яхши футболчиси сифатида Хосеп Гвардиоланинг шогирди — Антуан Семеньо эътироф этилган эди.
Ҳозирда "Манчестер Сити" Премьер-лига турнир жадвалида иккинчи ўринда бормоқда. Хосеп Гвардиола жамоаси битта кам ўйин ўтказган ҳолда, "Арсенал"дан етти очкога ортда қолмоқда.
