Angliya Premyer-ligasida fevral yakunlariga ko‘ra eng yaxshi murabbiy aniqlandi. Ushbu mukofotni "Manchester Siti"ni boshqarayotgan Xosep Gvardiola qo‘lga kiritdi.

"Manchester Siti" o‘tgan oyda Premyer-liga doirasida beshta o‘yin o‘tkazdi va ularda mumkin bo‘lgan 15 ochkodan 13 tasini jamg‘ardi. "Shaharliklar" "Tottenxem" (2:2), "Liverpul" (2:1), "Fulxem" (3:0), "Nyukasl" (2:1) va "Lids" (1:0) jamoalari bilan bahs olib borishdi.

Eslatib o‘tamiz, fevral yakunlari bo‘yicha APLning eng yaxshi futbolchisi sifatida Xosep Gvardiolaning shogirdi — Antuan Semenyo e’tirof etilgan edi.

Hozirda "Manchester Siti" Premyer-liga turnir jadvalida ikkinchi o‘rinda bormoqda. Xosep Gvardiola jamoasi bitta kam o‘yin o‘tkazgan holda, "Arsenal"dan yetti ochkoga ortda qolmoqda.