Дортмунднинг "Боруссия" клуби ҳимоячи Никлас Зюле ва ярим ҳимоячи Салих Озджан билан хайрлашишини маълум қилди. Ҳар икки футболчи жорий футбол мавсуми якунига етгач, жамоани тарк этади.
Зюле ҳозирда 30 ёшда, у дортмундликлар таркибига қарийб тўрт йил аввал "Бавария"дан ўтган эди. Унинг фаолиятида аввалроқ ўзининг қадрдон клуби "Хоффенхайм" ҳам бўлган. Озджан ҳам 2022 йилдан бери "Боруссия" шарафини ҳимоя қилиб келмоқда. Ўтган мавсумда келиб чиқиши турк бўлган ушбу немис футболчиси "Вольфсбург"да ижара асосида тўп сурган эди, бироқ жорий мавсум бошланишидан олдин Дортмундга қайтганди.
"Боруссия" Чемпионлар Лигасининг плей-офф босқичида мусобақа билан хайрлашди. Бундеслигага келсак, ҳозирда "арилар" турнир жадвалида "Бавария"дан 11 очко ортда қолган ҳолда иккинчи ўринда боришмоқда.
